‏إظهار الرسائل ذات التسميات شعر عامي. إظهار كافة الرسائل
‏إظهار الرسائل ذات التسميات شعر عامي. إظهار كافة الرسائل

الثلاثاء، 26 يوليو 2016

و الف آه يا جدع .......محمد العربى


و الف آه يا جدع --- بقلمى \ محمد العربى
و الف آه يا جدع
لمَا الجدع يتذل
دا القلب لمَا اتوجع
سمَع فى قلب الكل
مجروح بيشكى الألم
و يدارى بس بغلَ
و الحرقه طرحت آه
بس اللسان اتشل
ياعينى ع اللى انجرح
م الندل و الواطى
دا النخله طرحت بلح
عالى مهوش واطى
و اللى معاه الحق
عالى و مش واطى
و الندل مهما على
بيطاطى للواطى
بقلمى \ محمد العربى

السبت، 16 يوليو 2016

كان منايا يا هنايا......كرم شحات

كان منايا يا هنايا
إنى يوم جمبك اكون
بس خلصت الحكاية
وقت ما فتحنا العيون
إتخنق حلم المحبة
وإتفجإنا مرة واحدة
إن بكرا مش عشنّْا
وإنت مش ممكن تكون
فيه معايا
كان منايا
# كيمو #

لايق عليك .....محمد سالم


لايق عليك
***********
لايق عليك نفس الضباب نفس السراب نفس العدم
وتعيش ولاعابر سبيل فى زمان بخيل الخير فى أيامه إنعدم
وتفوت على نفس المكان تلقى الجدار بيك إتهدم
لايق عليك توب الشجن لايق عليك رحلة ندم
فيها الظنون تخلق جنون والنار مدفيها الألم
صوتك سكوت وصراخ وموت والكل للأحزان خدم

لايق عليك نفس الطريق فى ضلام وضيق صوتك على الظلم إنكتم
من بين إيديك دم البرئ سايل على الأرض إترسم
وغواك شيطان خلاك جرئ والقلب بالغل إتختم
محمد سالم

طيب أوى -- - محمد العربى

طيب أوى -- بقلمى - محمد العربى
صعبان عليَا الفراق
و الأهل و العيله
دنا قلبى طيب أوى
شايل هموم شيله
دنا زى متقول جبل
متدارى فى نجيله
بضحك فى وشك أوى
من قلة الحيله
شفت الشيطان الدنى
و اللى اتعمل فينا
دخل فى يوم حيينا
خللا الحرام زينه
و احنا اللى من بختنا
آمنا ورضينا
واهو كل يوم يفترى
و يطلع على عنينا
بقلمى \ محمد العربى